काठमाडौँ । राष्ट्रिय प्रजातन्त्र पार्टी (राप्रपा)को केन्द्रीय समितिको पूर्ण बैठक आजदेखि सुरु हुँदैछ । पार्टीको केन्द्रीय समितिको बैठक जेठ ३ गतेसम्म चल्नेछ ।
यसअघि वैशाख ३० र ३१ मा हुने भनिएको बैठक तयारी नपुगेको भन्दै स्थगित गरिएको थियो । बैठकमा समसामयिक राजनीतिक अवस्था, गत वैशाख १० मा सम्पन्न उपनिर्वाचनको समीक्षालगायतका विषयमा छलफल गरिनेछ ।
अध्यक्ष राजेन्द्र लिङ्देनले राजनीतिक प्रतिवेदन, वरिष्ठ उपाध्यक्ष रवीन्द्र मिश्रले पार्टीको संगठनको रणनीतिक र कार्यनीतिमाथि प्रतिवेदन प्रस्तुत गर्नुहुनेछ ।
