काठमाडौँ । काठमाडौँ महानगरपालिकाका प्रमुख बालेन्द्र शाह (बालेन)ले काठमाडौंमा २४सै घण्टा निःशुल्क एम्बुलेन्स सेवा दिने घोषणा गरेका छन् ।
शनिबार बिहान सामाजिक सञ्जाल फेसबुकमा लेख्दै मेयर शाहले १०२ मा कल गरेर २४सै घण्टा एम्बुलेन्स सेवा लिन सकिने जानकारी दिएका हुन् ।
उनले भनेका छन् ‘काठमाडौं महानगरभर २४ घन्टा नै १०२ मा कल गरेर एम्बुलेन्स सेवा लिन सक्नु हुन्छ। यो सुविधा प्रयोग गरेबापत कुनै शुल्क तिर्न पर्ने छैन।’
