काठमाडौँ । नक्कली भुटानी शरणार्थी प्रकरणमा पार्टीका प्रभावशाली नेता एवं आफ्नै नेतृत्वको सरकारका गृहमन्त्री बालकृष्ण खाणको गिरफ्तारीपछि कांग्रेस सभापति शेरबहादुर देउवालाई दबाब बढेको छ ।
खाणलाई पार्टीले तत्काल कारबाही गर्ने वा नगर्ने भन्ने विषयमा विवाद भइरहेका बेला निर्णय गर्न देउवामाथि दबाब बढेको हो ।
यसैबीच देउवाले पार्टीको बैठकअघि प्रधानमन्त्री पुष्पकमल दाहाललाई भेटेर फर्किएका छन् । दाहाललाई भेट्न देउवा प्रधानमन्त्रीको सरकारी निवास बालुवाटार पुगेका थिए । देउवा र दाहालबीच करिब एक घण्टा वान टु वान वार्ता भएको बताइएको छ ।
खाण प्रकरणमा बुधबार साँझको बैठकमा महामन्त्रीद्वय गगन थापा र विश्वप्रकाश शर्माले तत्काल निलम्बन गर्नुपर्ने माग राखेका थिए । कांग्रेस पदाधिकारी र पूर्वपदाधिकारीहरूको बैठक धुम्बाराहीस्थित देउवाको निवासमा केहीबेरमै बस्दै छ ।
