काठमाडौं । सिंहदरबारमा शीर्ष दलका नेताहरूबीच भेट जारी छ । बैठकबाट एमाले अध्यक्ष केपी शर्मा ओली भने बाहिरिएका छन् । ओली बाहिरिएपछि उपप्रधानमन्त्री पूर्णबहादुर खड्का प्रवेश गरेका छन् ।
बैठकमा प्रधानमन्त्री पुप्पकमल दाहाल ‘प्रचण्ड’, नेपाली कांग्रेसका सभापति शेरबहादुर देउवा र गृहमन्त्री नारायणकाजी पनि रहेका छन् ।
नक्कली भुटानी शरणार्थी प्रकरणको अनुसन्धानमा हाई प्रोफाइल मुछिएर केहीलाई नियन्त्रणमा लिइसकेको परिप्रेक्षमा दलका शीर्ष नेताहरुबीचको छलफलमा चासोका रूपमा हेरिएको छ ।
आजै मात्रै कांग्रेस नेता एवं पूर्वगृहमन्त्री बालकृष्ण खाणलाई प्रहरीले नियन्त्रणमा लिइसकेको छ भने एमाले सचिव टोपबहादुर रायमाझी पक्राउ पूर्जी जारी भएपछि फरार छन् । रायमाझीलाई एमालेले निलम्बन गरिसकेको छ ।
