काठमाडौँ । नेपाली नागरिकलाई भुटानी शरणार्थी बनाएर अमेरिका पठाउने प्रकरणमा जोडिएका नेपाल कम्युनिष्ट पार्टी एमालेका सचिव एवं सांसद टोपबहादुर रायमाझीलाई पार्टीले तत्काल कारबाही नगर्ने भएको छ ।
राजधानी दैनिकमा आज प्रकाशित समाचारमा पार्टीद्वारा हुने आन्तरिक कारबाहीका विषयमा पार्टी मौन रहेको छ । पूर्वयउपप्रधानमन्त्री समेत रहेका रायमाझीविरुद्ध नक्कली भुटानी शरणार्थी प्रकरणमा पक्राउ पुर्जी जारी भएको छ । रायमाझी अहिले फरार रहेका छन् । नक्कली भुटानी शरणार्थी प्रकरणमा जोडिएपछि एमालेले अनुसन्धानमा सघाउने निर्णय गर्दै तत्कालका लागि पर्ख र हेरको रणनीतिअनुसार पार्टीबाट हुने आन्तरिक कारबाही नगरेको हो ।
भोलि २८ वैशाखदेखि काठमाडौँमा सुरु हुने एमाले केन्द्रीय कमिटी बैठकमा एजेन्डामा छलफल गर्न मंगलबार पार्टी केन्द्रित कार्यालय च्यासल, ललितपुरमा बसेको केन्द्रीय सचिवालय बैठकले रायमाझीबारे आन्तरिका कारबाही वा अनुसन्धानबारे केही निर्णय नलिई उनले कानुनी प्रक्रियामा सघाउनुपर्ने निष्कर्ष निकालेको छ ।
