एजेन्सी । च्याम्पियन्स लिग फुटबल अन्तर्गत रियल मड्रिड र म्यान्चेस्टर सिटीले बराबरी खेलेका छन् ।
सेमिफाइनलको पहिलो लेगको भर्खरै सम्पन्न खेलमा दुबै टिमले एक–एक गोलको बराबरी खेलेका हुन् । घरेलु मैदान सान्टियागो बर्नबेउमा रियलले सुरुवाती अग्रता बनाएको थियो ।
खेलको ३६ औं मिनेटमा भिनिसियस जुनियरले गोल गर्दै घरेलु टोली रियललाई सुरुवाती अग्रता दिलाएका हुन् । तर, ६७ औं मिनेटमा केभिन डि ब्रुएनाले गोल गर्दै सिटीलाई १–१ को बराबरीमा ल्याए ।
अब यी दुई टोलीबीचको दोस्रो लेग मे १८ मा सिटीको घरेलु मैदान इतिहाडमा हुनेछ । आजको नतिजाले एग्रिगेटमा दुबै टिमको १–१ भएको छ ।
