एजेन्सी । इंग्लिस प्रिमियर लिग फुटबल अन्तर्गत चेल्सीले सहज जित निकालेको छ । गएराति भएको खेलमा चेल्सीले बर्नेमाउथलाई उसकै मैदानमा ३–१ गोलले पराजित गरेको हो ।
चेल्सीलाई जित दिलाउन ९ औं मिनेटमा कोनोर गालाघेर, ८२ औं मिनेटमा बेनोट बाडियासिले र ८६ औं मिनेटमा जोआओ फेलिक्सले गोल गरे ।
बर्नेमाउथका मासियस भिनाले २१ औं मिनेटमा एक गोल गरे । यो नतिजासँगै चेल्सी ३४ खेलबाट ४२ अंकका साथ ११ औं स्थानमा छ ।
बर्नेमाउथ ३५ खेलबाट ३९ अंकका साथ १४ औं स्थानमा छ ।
