काठमाडौँ । पूर्वमन्त्री तथा नेकपा (एमाले) का सचिव टोपबहादुर रायमाझीका छोरा सन्दीप रायमाझीलाई तीन दिन हिरासतमा राख्न अदालतले अनुमति दिएको छ ।
काठमाडौँ जिल्ला अदालतले सन्दीपलाई अनुसन्धानका लागि तीन दिन हिरासतमा राख्न अनुमति दिएको हो ।
सन्दीपमाथि नेपालीलाई भुटानी शरणार्थीको परिचयपत्र बनाएर अमेरिका पठाउने नाममा ठगी गरेको आरोप लागेको छ ।
नेपालीलाई नक्कली भुटानी शरणार्थी बनाई ठगी गिरोहमा संलग्न आरोपमा अनुसन्धानका लागि प्रहरीले उनलाई बुटवलबाट पक्राउ गरेको थियो । उनलाई बुद्ध एयरको जहाजबाट आज बिहान काठमाडौँ ल्याइएको थियो ।
