एजेन्सी । पाकिस्तानले बुधबार भएको तेस्रो ओडिआई खेलमा न्युजिल्यान्डलाई २६ रनले हराउँदै दुई खेल अगावै सिरिज हात पारेको छ । पाँच खेलको ओाडिआई सिरिजमा पाकिस्तानले ३–० को अग्रता लिएसँगै सिरिज आफ्नो नाममा गरेको हो ।
जितको लागि २ सय ८८ रनको लक्ष्य पछ्याएको न्युजिल्यान्ड ४९.१ ओभरमा २ सय ६१ रन बनाउदै अलआउट भयो । न्युजिल्यान्डका ओपनर टम ब्लन्डेलले ७८ बलमा ७ चौकासहित ६५ रनको अर्धशतकिय ईनिङ खेले। अर्का ओपनर विल योंगले ४१ बलमा ३ चौकासहित ३३ रन बनाउदा डर्याल मिचेल २१, मार्क च्यापम्यान १३, हेनरी निकोलस १, एडम मिल्ने ३ र हेनरी शिफ्ले ७ रनमा सिमित रहे ।
यस्तै, कोले म्याककोन्ची ४५ बलमा ६ चौका र २ छक्कासहित ६४ रनमा नटआउट रहँदा टम लाथम ४५ रनमा आउट भए ।
बलिङतर्फ पाकिस्तानका शाहिन अफ्रिदीले नौ ओभरमा ५३ रन खर्चेर दुई विकेट लिए । यस्तै, नसिम शाह र मोहम्मद वासिम जुनियरले समान दुई दुई विकेट लिदा अघा सलमानले एक विकेट लिए ।
त्यसअघि नेशनल स्टेडियम कराँचीमा टस हारेर पहिला ब्याटिङको गरेको पाकिस्तानले निर्धारित ५० ओभरमा ६ विकेट गुमाउँदै २ सय ८७ रनको योगफल बनायो । पाकिस्तानका इमाम उल हकले १ सय ७ बलमा ७ चौका र १ छक्कासहित सर्वाधिक ९० रन बनाए। कप्तान बाबर आजम ६२ बलमा ३ चौका र १ छक्कासहित ५४ रन बनाउदा ओपनर फखार जमान १९ रनमा आउट भए ।
यस्तै, अब्दुल्लाह शफिक १९, मोहम्मद रिजवान ३२ र अघा सलमान ३१ रनमा आउट हुँदा मोहम्मद नवाज ११ र शादब खान २१ रनमा नटआउट रहे ।
न्युजिल्यान्डका म्याट हेनरीले १० ओभरमा २ मेडनसहित ३ विकेट लिए । एडम मिल्नेले १० ओभरमा १ मेडनसहित २ विकेट लिए ।
यसै सिरीजको पहिलो खेलमा पाकिस्तान ५ विकेटले विजयी भएको थियो भने दोस्रो खेल ७ विकेटले जितेको थियो । अब बाकिँ रहेको दुई खेल शुक्रबार र आइतबार हुनेछ ।
