काठमाडौँ । एसिसी मेन्स प्रिमियर लिगको फाइनल खेलमा नेपालले टस जितेर पहिले फिल्डिङ गर्ने निर्णय गरेको छ । कीर्तिपुरस्थित त्रिभुवन विश्वविद्यालयको क्रिकेट मैदानमा केही बेर अघि नेपालले पहिले फिल्डिङ गर्ने निर्णय गरेको हो ।
आजको खेलमा पछिल्ला केही खेलयता राम्रो प्रदर्शन गर्न नसकेका दीपेन्द्र सिंह ऐरीलाई बेञ्चमा राखिएको छ भने उनको स्थानमा गुलशन झालाई समावेश गरिएको छ । आजको खेलमा विजयी भए नेपाल एसिया कपका लागि छनोट हुनेछ ।
आजको खेलको विजेताले आगामी सेप्टेम्बरमा हुने एसिया कपमा भारत र पाकिस्तानको समूहमा पर्नेछ । समूह ए मा भारत र पाकिस्तानसँगै आजको खेलको विजेता रहनेछ । साथै समूह बीमा बंगलादेश, श्रीलंका र अफगानि आजको खेल पानीका कारण अवरुद्ध भए रिजर्भ डे अन्तर्गत भोलि खेल खेलाइनेछ । यदि भोलि पनि वर्षाका कारण नतिजा नआए दुई वटा सुपर ओभर खेलाइनेछ । सुपर ओभरबाट पनि नतिजा नआएमा वरियताका आधारमा नेपाल एसिया कपमा स्वतः छनोट हुनेछ ।
यसअघि शनिबार भएको सेमिफाइनलमा नेपाल र कुबेतको खेल वर्षाका कारण रद्द भएपछि समूह चरणमा विजेताका रुपमा नेपाल फाइनलमा पुगेको हो भने यूएईले डिएल पद्धतिका आधारमा ओमानलाई दुई रनले पराजित गरी फाइनलमा प्रवेश गरेको हो ।
