• १५ चैत्र २०८०, बिहीबार
  •      Thu Mar 28 2024
  •   Unicode
Logo
Latest
★   निराशा चिर्ने र भरोसा जगाउने चुनौती छ: प्रधानमन्त्री ★   सर्लाहीबाट १० निरीक्षक निष्काशित, एक परीक्षार्थीले हिरासतबाटै परीक्षा दिए ★   यशराजको आगामी फिल्ममा विशेष लुकमा देखिदै बबी देओल ★   चार्जिङ स्टेशनमा लगानी बढाउन लगानी कर्ताहरुलाई कुलमानको आह्वान ★   बजेट मागिरहने तर पुँजीगत खर्च गर्न नसक्ने अवस्थाको अन्त्य हुनुपर्छ: प्रधानमन्त्री ★   लोकमार्ग छेउछाउमा बढ्दै बस्ती ★   राष्ट्रिय सभाका उपाध्यक्ष उर्मिला अर्यालबाट राजीनामा ★   स्वास्थ्य क्षेत्रको सुधार गर्न भन्दै रास्वपाले स्वास्थ्यमन्त्री यादवलाई बुझायो २६ बुँदे सुझाव ★   महिलामैत्री बजेट ल्याउन सम्बन्धित मन्त्रालयसँग छलफल जारी छ: मन्त्री चौधरी ★   कोभिड निगरानीका लागि विश्व स्वास्थ्य संगठनद्वारा विश्वव्यापी सञ्जाल सुरु

‘नेपाल–पाकिस्तान बौद्ध सम्बन्ध’ पुस्तकको विमोचन



काठमाडौँ । आज पाकिस्तानी राजदूतावासको आयोजना तथा हिरण्य इन्टरनेशनल लाइब्रेरीसँगको सहकार्यमा पूर्व राजदूत हिरण्यलाल श्रेष्ठद्वारा लिखित ‘नेपाल–पाकिस्तान बौद्ध सम्बन्ध’ नामक पाकिस्तानको बौद्ध सम्पदासम्बन्धी पुस्तकको लोकार्पण गरिएको छ ।

सो अवसरमा पूर्वप्रधानमन्त्री झलनाथ खनालले सांस्कृतिक सम्पदा जनता–जनताबीच सम्पर्कको महत्त्वपूर्ण पाटो भएको बताउनुभयो । उहाँले हिरण्यलाल श्रेष्ठको प्रयासको प्रशंसा गर्दै बौद्ध सम्पदा दुवै देशको साझा विरासत भएको बताउनुभयो ।

नेपालका लागि पाकिस्तानका राजदूत अबरार एच हाश्मीले श्रेष्ठको कामको प्रशंसा गर्नुभयो । उहाँले साझा बौद्ध विरासतमाथि प्रकाश पार्दै नेपाल र पाकिस्तानबीचको स्थायी सम्बन्धको रूपमा सांस्कृतिक र ऐतिहासिक सम्बन्धको महत्त्वमा जोड दिनुभयो ।

कार्यक्रममा लुम्बिनी बौद्ध विश्वविद्यालयका पूर्व उपकुलपति प्राध्यापक डा त्रिरत्न मानन्धर, प्रा भिक्कुनी डाक्टर धम्म विजय, धम्ममोली परियोजनाका सह–संस्थापक एवं प्रख्यात संस्कृतिविद् डाक्टर गोपाल पोखरेल र पूर्वमन्त्री किरपाल श्रेष्ठ लगायतभिक्षु तथा बौद्ध विद्वानहरुको उपस्थिति रहेको पाकिस्तानी राजदूतावासले जनाएको छ ।