काठमाडौं । एसिसी प्रिमियर कपको उपाधिको लागि नेपाल र युएई भिड्ने भएको छ ।
पहिलो सेमिफाइनल खेलमा भारी वर्षाको कारण खेल नतिजा विहीन बनेपछि नेपाल समूह विजेताको रुपमा फाइनलमा पुगेको हो ।
यस्तै, दोस्रो सेमिफाइनल खेलमा पनि वर्षा कै कारणले खेल अघि बढ्न नसकेपछि डिएलएस मेथडमा युएईले ओमनलाई २ रनले पराजित गरेको छ । यससँगै उपाधिको लागि नेपाल र युएई भिड्ने भएका हुन् ।
पहिलो सेमिफाइनलमा जितको लागि २ सय ८२ रनको लक्ष्य पछ्याएको कुवेतले ८.३ ओभरमा ६ विकेट गुमाउँदै ३७ रन बनाउँदा वर्षाको कारण खेल रोकिएको थियो । त्यसपछि भारी वर्षा हुँदा सुपर ओभर पनि सम्भव नभएपछि खेललाई रद्द गरिएको थियो । खेल हुन नसकेपछि समूह ए को विजेता नेपाल सिँधै फाइनलमा पुगेको थियो।
दोस्रो सेमिफाइनल खेलमा युएईले ओमानलाई जितको लागि २३७ रनको लक्ष्य दिएको थियो । तर, भारी वर्षाको कारण ४३ ओभरबाट उता खेल हुन नसकेपछि डिएलएस मेथडमा ओमाने २ रनले पराजित हुन पुग्यो ।
अब उपाधिको लागि नेपाल र युएईले सोमबार हुनेछ । यस्तै, ओमान र कुवेतले पनि तेस्रो स्थानको लागि भोलि खेल्नेछन् । उपाधि जित्ने टोलीले आगमी सेप्टेम्बरमा पाकिस्तानमा हुने एसिया कप खेल्न पाउनेछ ।
