काठमाडौं । एसीसी प्रिमियर कप अन्तर्गत जारी नेपाल र कुवेतबीचको खेल पुनः पानी परेपछि रोकिएको छ । त्रिवि क्रिकेट मैदानमा जारी दोस्रो इनिङमा ८.३ ओभरकाो खेल भइरहँदा पानी परेपछि रोकिएको हो ।
नेपालले दिएको २ सय ८२ रनको लक्ष्य पछ्याएको कुवेतले ८ ओभरमा ६ विकेटको क्षतिमा ३७ रन मात्रै बनाएको छ । यदि पानी परेर डीएल मेथडमा खेल गएपनि कुवेतले जितको लागि २० ओभरमा १ सय ९४ रन बनाउनु पर्ने हुन्छ ।
कुवेतका ६ ब्याटर दोहोरो अंकमा रन बनाउन नसकी आउट हुँदा नेपालका तीव्र गतिका बलर करण केसीले मात्रै पाँच विकेट लिइसकेका छन् । यस्तै सोमपाल कामीले एक विकेट लिएका छन् ।
