काठमाडौं । टियु क्रिकेट मैदानमा फेरि वर्षा भएसँगै नेपाल र कुवेतबीचको खेल पुनः रोकिएको छ ।
एसिसी प्रिमियर कपको पहिलो सेमिफाइनलमा वर्षाको कारण एक घण्टा भन्दा बढी खेल रोकिएपछि खेललाई ४५ ओभरमा झारिएको थियो । खेल १२ः १५ देखी सुरु भनिएको थियो तर पुन वर्षा भएपछि खेल अनिश्चत भएको छ ।
फेरि वर्षा भएपछि पिच कभरले ढाकिएको छ । यदि खेल हुन नसकेको खण्डमा सुपर ओभर हुनेछ । सुपर ओभर पनि हुन नसके नेपाल समूह विजेताको कारण फाइनलमा पुग्नेछ ।
टियु मैदानमा टस हारेर पहिला ब्याटिङको निम्तो पाएको नेपालले २२.३ ओभरमा ३ विकेट गुमाउँदै १ सय ४१ रन बनाएको छ । नेपालका लागि कप्तान रोहित पौडेल र कुशल मल्ल क्रिजमा छन् ।रोहितले ४० बलमा २ चौकासहित ३० रन बनाएका छन् भने कुशलले ३० बलमा ४ चौका र १ छक्कासहित ३२ रन बनाएका छन् । चौथो विकेटका लागि कुशल मल्ल र रोहित पौडेलले ६१ रनको अविजित साझेदारी गरेका छन् ।
