काठमाडौं । गण्डकी प्रदेश सरकारमा ३० अर्ब ३ करोड ९४ लाख २७ हजार रूपैयाँको बजेट सार्वजनिक गरिएको छ ।
मंगलबार मुख्यमन्त्री कृष्णचन्द्र नेपालीले आव २०७८/०७९ का लागि प्रदेश सभामा बजेट प्रस्तुत गरेका हुन् ।
नयाँ बजेटमा चालुतर्फ ४३.५ प्रतिशत र पुँजीगततर्फ ५५.७ प्रतिशत, वित्तिय व्यवस्थापनमा ०.८ प्रतिशत छ ।
प्रदेश सरकारले खर्च स्रोतमा केन्द्र सरकारबाट वित्तीय समानीकरण अनुदान वापत ७ अर्ब ४२ करोड, सशर्त अनुदानमा ४ अर्ब १८ करोड ४३ लाख, विशेष अनुदानमा ५४ करोड ९० लाख, समपूरक अनुदानमा ८७ करोड ३६ लाख रूपैयाँ प्राप्त गर्ने बजेटमा उल्लेख गरिएको छ ।
प्रदेश सरकारलाई नपुग २ अर्ब रकममा आन्तरिक ऋण १ अर्ब र केन्द्र सरकारबाट १ अर्ब व्यवस्थापन गर्ने बताइएको छ ।
आन्तरिक मामिला तथा कानून मन्त्रालयको जिम्मेवारीसमेत आफैंले लिएका कारण मुख्यमन्त्री कृष्णचन्द्र नेपाली पोखरेलले नै आर्थिक वर्ष २०७८/७९ को बजेट भाषण गरेका हुन् ।
अघिल्लो वर्ष सार्वजनिक गरेको बजेटभन्दा यो बजेट ४ अर्ब कम बजेत गण्डकी सरकारले सार्वजनिक गरेको हो ।
