• १८ असार २०८१, मंगलवार
  •      Tue Jul 2 2024
  •   Unicode
Logo
Latest
★   ‘इट्स माइ शो’ को विवादित दृश्य र संवाद हटाउन कान्तिपुर टीभीलाई प्रेस काउन्सिलको निर्देशन ★   सुरेश अधिकारी प्रतिनिधिसभा सचिव नियुक्त ★   पारा तथा विशेष खेलकुदको भारोत्तोलनमा ४ नयाँ राष्ट्रिय कीर्तिमान ★   कांग्रेस र एमालेबीचको सहमतिप्रति राप्रपा सकारात्मक ★   मार्गप्रशस्त गरी सरकार बनाउन सहयोग गर्न प्रधानमन्त्रीलाई एमालेको आग्रह ★   पूर्वगृहमन्त्री बादलका छोरा प्रतीकलाई थुनामा पठाउन अदालतको आदेश ★   राष्ट्रपतिद्वारा विधेयक प्रमाणीकरण ★   गिरिजाबाबुकै कारण गणतन्त्र स्थापना भएको होः सभापति देउवा ★   कृषि समितिमा सरकारले विधेयक दिन सकेन: सभापति राणा ★   गृहमन्त्री लामिछानेविरुद्धको मुद्दा फेरि हेर्दाहेर्दैमा

चेन्नईलाई ३२ रनले हराउँदै राजस्थान आईपीएलको शीर्षस्थानमा उक्लियो



एजेन्सी । इन्डियन प्रिमियर लिग (आईपीएल)अन्तर्गत लिग चरणको ३७ औं खेलमा राजस्थान रोयल्स (आरआर)ले चेन्नई सुपर किंग्स (सीएसके)लाई ३२ रनले पराजित गरेको छ । यो जितसँगै राजस्थान ८ खेलमा ५ जित हात पार्दै १० अंकसहित अंक तालिकाको शीर्ष स्थानमा उक्लिएको छ । चेन्नई ८ खेलमा समान अंकसहित तेस्रो स्थानमा छ ।

बिहीबार जयपुरको सवाई मानसिंह स्टेडियममा टस जितेर पहिले ब्याटिङ गर्न आएको रोयल्सले २० ओभरमा ६ विकेट गुमाएर २०२ रन बनाएको थियो । जवाफमा सुपर किंग्सले ६ विकेट गुमाएर १ सय ७० रन मात्र बनाउन सक्यो । राजस्थानका स्पिनरले ५ विकेट लिए भने यशस्वी जैसवालले पहिलो इनिङ्समा ७७ रन बनाए । यही इनिङ्सका लागि यशस्वीले प्लेयर अफ द म्याचको अवार्ड पाए ।

यशस्वी जैसवालले पहिलो इनिङ्समा करियरकै उत्कृष्ट ७७ रन बनाएका थिए । अन्तिम ओभरमा ध्रुव जुरेल र देवदत्त पद्डिकलले २० बलमा ४८ रनको साझेदारी गरे । राजस्थानले १७ औं ओभरमा १४६ रनमा सिमरोन हेटमायरको विकेट गुमाएको थियो ।

यहाँबाट ध्रुव जुरेल र देवदत्त पड्डिक्कलले २० बलमा ४८ रनको साझेदारी गर्दै टोलीको स्कोर २०० रनमा पुर्याएका थिए । जुरेल १५ बलमा ३४ रन बनाएर रनआउट भए । पडिक्कलले १३ बलमा २३ रनको अविजित इनिङ खेले । टोलीका बाँकी ब्याट्सम्यानमा जोस बटलर २७, सञ्जु सामसन १७ र हेटमायर ८ रन बनाएर आउट भए । रविचन्द्रन आश्विन एक रन बनाएर नटआउट रहे ।

चेन्नईका तुषार देशपाण्डेले २ विकेट लिए । महिश तिक्षाना र रविन्द्र जडेजाले १–१ विकेट लिए । एउटा ब्याटर रनआउट भए ।

२०३ रनको लक्ष्यमा निकै सुस्त सुरुवात गरेको चेन्नईले ११ ओभरमा ७३ रनमा ४ विकेट गुमाएको थियो । यहाँबाट मोइन अली र शिवम दुबेले साझेदारी गर्दै टोलीलाई जितको आशा जगाए । दुबेले २९ बलमा अर्धशतक बनाए पनि आफ्नो टोलीलाई जिताउन सकेनन् । उनी ३३ बलमा ५२ रन बनाएर आउट भए ।

टिमका बाँकी ब्याट्सम्यानमा ऋतुराज गायकवाड ४७, डेभोन कोनवे ८, अजिंक्य रहाणे ८, अम्बाती रायडु ०, मोइन अली २३ र रविन्द्र जडेजाले २१ रन बनाए । राजस्थानका एडम जम्पाले ३ तथा रविचन्द्रन आश्विनले २ विकेट लिए । बायाँ हाते बलर कुलदीप यादवले एक विकेट लिए ।

आजको खेलः पञ्जाव किंग्स भर्सेस लखनउ सुपरजायन्ट्य, साँझ ७ः४५ बजे