विराटनगर । मोरङमा साथीलाई कुटपिट गरी हत्या गर्ने प्रयास गरेको आरोपमा १३ जना बालिका पक्राउ परेका छन् ।
मिक्लाजुङ गाउँपालिका– ३ स्थित कालिका माध्यमिक विद्यालयमा अध्ययरत १४ वर्षकी बालिकालाई कुटपिट गरी हत्याको प्रयास गरेको भन्दै उनीहरूलाई पक्राउ गरिएको हो ।
कालिका माविमा अध्ययन गर्ने १३ जना बालिकाहरूले सङ्गठितरूपमा कुटपिट गरी भिडिओसमेत बनाई सामाजिक सञ्जालमा सम्प्रेषण गरेको आधारमा उनीहरूलाई प्रकाउ गरिएको जिल्ला प्रहरी कार्यालय मोरङका प्रवक्ता रञ्जनकुमार दाहालले बताए ।
प्रहरीले घटनामा संलग्न बालिकाहरूलाई पक्राउ गरी मोरङ जिल्ला अदालतबाट ज्यान मार्ने उद्योगमा ५ दिनको म्याद थप गरी अनुसन्धान थालेको छ। स्कुले बालिकाहरू जोडिएको घटना भएकोले यसबारे बाल संवेदनशीलताको आधारमा गम्भीर रूपमा अनुसन्धान भइरहेको प्रहरीले जनाएको छ ।
कुटपिटबाट गम्भीर घाइते बालिकाको विर्तामोङ बीएन्डसी अस्पतालमा उपचार भइरहेको छ ।
