एजेन्सी । कमेडियन कृष्णा अभिषेक ‘द कपिल शर्मा शो’मा फर्किँदैछन् । हालै एक मिडिया अन्तर्वार्तामा उनले कपिल शर्मा शोमा कमब्याक गर्न लागेको कुरा पुष्टि गरेका थिए । शोमा फर्किएपछि कृष्णा अभिषेकले सोको भिडियो क्लिप सामाजिक सञ्जालमा सेयर गरेका छन् ।
भिडियो सेयर गर्दै कृष्णले लेखेका छन्– शोमा फर्केर पाउँदा खुसी छु । यस सप्ताहन्तदेखि, सपनासँग हरेक हप्ता हास्यास्पद कमेडी हेर्न तयार हुनुहोस् । भिडियोमा सपना फिल्म ‘मैने प्यार किया’को गीत दिल दिवानामा भुइँमा कुखुरा लाएर नाच्दै छिन् ।
कृष्णा अभिषेकको यो भिडियोमा फ्यानहरुले लगातार कमेन्ट गरिरहेका छन् । भिडियोमा एक प्रयोगकर्ताले लेखेका छन्– लामो प्रतीक्षापछि तपाई फर्किनुभयो ! त्यही क्रममा एक प्रयोगकर्ताले लेखे- अब रमाइलो हुनेछ !
च्यानलसँगको सम्झौताको विवादका कारण उनले शो छोडेका थिए । अन्तर्वार्तामा कृष्णाले सम्झौतामा रहेको समस्या अहिले समाधान भएको बताए । उनले पैसाको विषयमा पनि विवाद समाधान भइसकेको र अब ठेक्कामा कुनै आपत्ति नरहेको बताए । कार्यक्रममा कृष्णा सपनाको भूमिका निभाएका थिए ।
