काठमाडौँ । दार्चुलामा तुइनबाट खसेर एक पुरुष महाकाली नदीमा बेपत्ता भएका छन् ।
जिल्लाको उत्तरी क्षेत्रमा पर्ने ब्यास गाउँपालिका–२ दुम्लिङका ४५ वर्षीय सिङ्दलसिंह भण्डारी आज दिउँसो तुइनबाट खसेर तल्लो दुम्लिङस्थित महाकाली नदीमा बेपत्ता भएका हुन् ।
दिउँसो साढे एक बजेतिर भण्डारी घरबाट भारत जाने क्रममा तुइनबाट महाकाली नदी पार गर्न खोज्दा उक्त घटना भएको बताइएको छ ।
दुम्लिङबाट प्रहरी टोली घटनास्थलमा गएको र खोजी कार्य भइरहेको प्रहरीले जनाएको छ ।
