युरोकप फुटबल अन्तर्गत बिहीबार राति भएको दोस्रो खेलमा बेल्जियमले प्रभावशाली खेल देखाउँदै नकआउट चरणमा प्रवेश गरेको छ । बेल्जियमले डेनमार्कको कोपेनहेगनस्थित पार्केन रंगशालामा २–१ ले खेल जितेर नकआउट चरणमा प्रवेश गरेको हो ।
बेल्जियम टिमका नायक थिए, रोमेलु लुकाकु र केभिन डी ब्रुएन । दुबै गोलका लागि लुकाकुले डेनमार्कको डिबक्सभित्र पास सिर्जना गरेका थिए । बेल्जियमका लागि थोरगन हजार्डले ५४औं र केभिन ब्रुएनले ७०औं मिनेटमा गोल गरेका थिए ।
यद्यपी यस प्रतिस्पर्धामा डेनमार्कले दर्शनीय खेल प्रदर्शन गर्दै निरन्तर आक्रमण गरेको थियो । बेल्जियमका विश्वस्तरीय गोलकिपर थिबट कुर्टोवाले डेनमार्कका खेलाडीले प्रहार गरेका कैयौं बललाई सुन्दर बचाउ गरेका थिए ।
पहिलाे गाेल डेनमार्कले दाेस्राे मिनेटमै गरेकाे थियाे । डेनमार्कका लागि युसुफ पाेल्सेनले गाेल गरेका थिए ।
समूह ख मा बेल्जियम र डेनमार्क सहित रसिया र फिनल्यान्ड रहेका छन् । बेल्जियमले दुई खेल खेलेर ६ अंक बनाएको छ भने २–२ खेल खेलका रसिया र फिनल्यान्डको समान ३ अंक छ ।
बिहीबार नै सम्पन्न पहिलो खेलमा युक्रेनले उत्तरी मेसेडोनियालाई २–१ गोल अन्तरले पराजित गरेको छ । यस समूहमा नेदरल्यान्ड्स, अस्ट्रिया पनि रहेका छन् । युक्रेनले एक जित र एक हारबाट ३ अंक जोडेको छ ।
––
