काठमाडौं । एसीसी प्रिमियर कप अन्तर्गत आफ्नो दोस्रो खेलमा ओमानले नेपालविरुद्ध टस जितेर फिल्डिङ रोजेको छ । कीर्तिपुरस्थित टियु मैदानमा ओमानका कप्तान जिसन मक्सुदले टस जितेर पहिला फिल्डिङ रोजेका हुन् । नेपालको यो ५० औं ओडिआई खेल समेत रहेको छ ।
नेपालको प्लेइङ ११
कुशल भुर्तेल, आसिफ शेख, भीम सार्की, रोहित पौडेल ९कप्तान०, कुशल मल्ल, दीपेन्द्रसिंह ऐरी, आरिफ शेख, सोमपाल कामी, करण केसी, सन्दीप लामिछाने, ललित राजवंशी ।
नेपालको यो दोस्रो खेल रहेको छ । यसअघि मंगलबार उद्घाटन खेलमा नेपालले मलेसियालाई ६ विकेटले पराजित गरेको थियो ।
एसियन क्रिकेट काउन्सिल (एसीसी)को आयोजनामा भइरहेको प्रतियोगिता यही वैशाख ५ गतेदेखि १८ गतेसम्म सञ्चालन हुनेछ । प्रतियोगिताका खेल कीर्तिपुरस्थित त्रिवि मैदान र मूलपानीमा रहेको क्रिकेट मैदानमा सञ्चालन हुनेछ । प्रतियोगितामा विभिन्न १० राष्ट्रको सहभागिता रहने छ । सहभागी राष्ट्रलाई दुई समूहमा विभाजन गरिएको छ ।
समूह ‘ए’ मा आयोजक नेपालसहित मलेसिया, साउदी अरेबिया, कतार र ओमान रहेका छन् । समूह ‘बी’ मा बहराइन, कुवेत, सिङ्गापुर, हङकङ र युएई रहेका छन् । फाइनल खेलको विजेता टोली एसिया कपका लागि छनोट हुनेछ । एसिया कप आगामी सेप्टेम्बरमा आयोजना हुनेछ ।
