एजेन्सी । कोलकाता नाइट राइडर्सका ब्याट्सम्यान रिंकु सिंह धेरै वर्षदेखि यो फ्रेन्चाइजीसँग आबद्ध छन् । उनले टोलीका लागि थुप्रै खेलहरू पनि खेल्दै आएका छन्, यो वर्ष उनले चमत्कार गरे । उनले आफ्नो पहिलो आईपीएल खेल २०१८ मा खेले, तर यसै वर्ष उनले गुजरातविरुद्धको खेलमा अन्तिम पाँच बलमा पाँच छक्का प्रहार गरेर कोलकातालाई जित दिलाए । यससँगै क्रिकेट जगतमा सबैलाई रिंकु सिंहको बारेमा थाहा भयो ।
बायाँ हाते ब्याट्सम्यानले धेरैजसो अवसरमा एक छेउमा ब्याटिङ गर्छन् र खेललाई अन्त्यसम्म लैजान प्रयास गर्छन् । रिंकुले अन्तिम ओभरमा छिटो रन बनाएर खेल जित्ने प्रयास गर्छन् । जसअनुसार गुजरातविरुद्ध त्यसो गर्न उनी सफल भए ।
एक ओभरमा पाँच छक्का प्रहार गरेपछि रिंकु सिंह चर्चामा रहेका छन् । गरिबीमा हुर्केका रिंकुले निरन्तर संघर्ष र मिहिनेतले क्रिकेटरको रुपमा करियर बनाएका थिए । मिडिया रिपोर्टका अनुसार रिंकु अब उनीजस्ता धेरै खेलाडीलाई सहयोग गर्न चाहन्छन् । यही कारणले उनले अलीगढमा होस्टल बनाउन लागेका हुन् । यसका लागि उनले ५० लाख रुपैयाँ खर्च गरिसकेका छन् । यो होस्टल अर्को महिनासम्ममा तयार हुनेछ ।
रिंकुका बाल्यकालका प्रशिक्षक मसुदज–जफर अमिनीलाई मिडिया रिपोर्टमा उद्धृत गरिएको छ, “उनी सधैं युवा खेलाडीहरूका लागि छात्रावास निर्माण गर्न चाहन्थे, जससँग आफ्नो सपना पूरा गर्न आर्थिक स्रोत छैन । उनी अहिले आर्थिक रूपमा बलियो भइसकेका छन् र आफ्नो सपना पूरा गर्दैछन् । रिंकु टोलीमा आउनुभन्दा करिब तीन महिनाअघि नै काम सुरु भएको थियो । होस्टेलमा १४ वटा कोठा हुनेछन् र प्रत्येकमा चार जना खेलाडी अटाउन सक्नेछन् । छुट्टै शौचालय पनि निर्माण भइरहेको छ । खेलाडीहरूले क्यान्टिनमा खाना खान पाउनेछन् । यसका लागि करिब ५० लाख रुपैयाँ लाग्ने र सम्पूर्ण खर्च रिंकुले बेहोरेका छन् ।’
रिंकु सिंहले यो सिजन केकेआरका लागि पाँच खेलमा १६२.६२ को स्ट्राइक रेटमा १७४ रन बनाएका छन् । उनले अर्धशतक बनाएका छन् । यद्यपि उनको सबैभन्दा अविस्मरणीय पारी गुजरात टाइटन्स विरुद्ध आयो जब उनले यश दयाललाई अन्तिम ओभरमा लगातार पाँच छक्का प्रहार गरी आफ्नो पक्षलाई जित दिलाए ।
