एजेन्सी । रणवीर कपुर लामो समयदेखि आफ्नो आगामी फिल्म ‘एनिमल’को सुटिङमा व्यस्त थिए, जसको सुटिङ अहिले पूरा भएको छ । फिल्मको छायांकन लण्डनमा चलिरहेको थियो ।
यसैबीच, फिल्मको सेटबाट र्याप–अप पार्टीको भिडियो सार्वजनिक भएको छ, जसमा रणवीर बबी देओलसँग केक काटिरहेको देख्न सकिन्छ । भिडियोमा बबी र रणबीरसँगै एनिमलको सम्पूर्ण टोली सेलिब्रेशनको लागि एकसाथ आएका थिए ।
भिडियोमा दुवै कलाकार कालो पहिरनमा देखिएका छन् । रणवीर र बबी पहिलो पटक यो फिल्ममा सँगै देखिनेछन् । बबीले एनिमलका लागि ठूलो बडी बनाएका छन् । भिडियोमा दुबै जना निकै सुन्दर देखिएका छन् ।
एनिमल सन्दीप रेड्डी वांगाद्वारा निर्देशित एक ग्यांगस्टर ड्रामा फिल्म हो । यस फिल्ममा यी दुई कलाकारका अलावा रश्मिका मन्डना र अनिल कपूर पनि मुख्य भूमिकामा देखिनेछन् । रिपोर्टलाई विश्वास गर्ने हो भने यो फिल्म यसै वर्षको अगस्टमा रिलिज हुँदैछ ।
