काठमाडौँ । एसीसी पुरुष प्रिमियर कप क्रिकेट प्रतियोगिता अन्तर्गत हङकङले विजयी सुरुवात गरेको छ ।
मुलपानी क्रिकेट मैदानमा मंगलबार दिउँसो सम्पन्न खेलमा हङकङले मलेसियालाई ८ विकेटले हराएको हो । हङकङका लागि बाबर हायातले शतकीय इनिङ्स खेले । ९४ बलमा १० चौका र ६ छक्कासहित उनी १०८ रनमा अविजित रहे । यस्तै, कप्तान निजाकात खानले ५१ रनको अर्धशतकीय इनिङ्स खेले ।
सिंगापुरका रमेश कालिमुथु र अरित्र दत्तले एक–एक विकेट लिए ।
त्यसअघि टस हारेर पहिले ब्याटिङ थालेको सिंगापुरले ४१.१ ओभरमा अलआउट हुँदै १७४ रन जोड्यो । सिंगापुरका लागि अरित्र दत्तले ४९, आर्यान मोदीले २१, रमेश कलिमुथुले १८, अभि दिक्षित र थिलिपन ओमाइदुराईले १२/१२ रन जोडे ।
हङकङका एहसान खानले ४ तथा यसिम मुर्ताजाले ३ विकेट लिँदा मोहमद घाजानफर, अइजज खान र आयुश शुक्लाले एक–एक विकेट लिए ।
एसियन क्रिकेट काउन्सिल ९एसीसी०को आयोजनामा भइरहेको प्रतियोगिता यही वैशाख ५ गतेदेखि १८ गतेसम्म सञ्चालन हुनेछ । प्रतियोगिताका खेल कीर्तिपुरस्थित त्रिवि मैदान र मूलपानीमा रहेको क्रिकेट मैदानमा सञ्चालन हुनेछ । प्रतियोगितामा विभिन्न १० राष्ट्रको सहभागिता रहने छ । सहभागी राष्ट्रलाई दुई समूहमा विभाजन गरिएको छ ।
समूह ‘ए’ मा आयोजक नेपालसहित मलेसिया, साउदी अरेबिया, कतार र ओमान रहेका छन् । समूह ‘बी’ मा बहराइन, कुवेत, सिङ्गापुर, हङकङ र युएई रहेका छन् ।
फाइनल खेलको विजेता टोली एसिया कपका लागि छनोट हुनेछ । एसिया कप आगामी सेप्टेम्बरमा आयोजना हुनेछ ।
