एजेन्सी । इन्डियन प्रिमियर लिग (आईपीएल) को रोमाञ्चक खेलमा चेन्नई सुपर किंग्स (सीएसके)ले रोयल च्यालेन्जर्स बैंग्लोर (आरसीबी) लाई ८ रनले पराजित गरेको छ ।
बैंगलोरको एम चिन्नास्वामी स्टेडियममा सोमबार साँझ टस हारेर पहिले ब्याटिङ गरेको चेन्नईले २० ओभरमा ६ विकेट गुमाएर २२६ रन बनाएको थियो । जवाफमा बैंगलोरले ८ विकेट गुमाएर २१८ रन मात्रै बनाउन सक्यो ।
चेन्नईका मथिशा पथिरानाले अन्तिम ओभरमा १९ रन बचाए । उनले ओभरमा १० रन मात्र दिए र एक विकेट पनि लिए । चेन्नईतर्फ डेभोन कोनवेले ८३ र शिवम दुबेले ५२ रन बनाए । त्यस्तै बेङ्लोरका ग्लेन म्याक्सवेलले ७६ र फाफ डु प्लेसिसले ६२ रन बनाए ।
डेभोन कोनवेले ८३ रनको इनिङ खेले । उनले पहिले अजिंक्य रहाणेसँग ७४ रनको साझेदारी गरे र त्यसपछि शिवम दुबेसँग ८० रनको साझेदारी गरे । उक्त साझेदारीको आधारमा चेन्नईले २० ओभरमा २२६ रन बनाएको थियो । ओपनर कोनवेले ४५ बलमा ८३ रन जोड्दा ६ चौका र ६ छक्का समावेश थियो ।
यस्तै, शिवम दुबेले २७ बलमा ५२ रन बनाउँदा उनले २ चौका र ५ छक्का प्रहार गरे । यी दुई बाहेक अजिंक्य रहाणेले २० बलमा ३७ रन बनाए । अम्बाती रायुडुले ६ बलमा १४ रन जोड्दा ऋतुराज गायकवाडले ३ रन मात्र बनाउन सके । मोइन अली ९ बलमा १९ रनका साथ अविजित रहे । कप्तान महेन्द्र सिंह धोनी १ बलमा १ रनका साथ अविजित रहे ।
बैंगलोरका लागि वायन पारनेल, विजयकुमार, मोहम्मद सिराज, वानिन्दु हसरंगा, हर्षल पटेल र ग्लेन म्याक्सवेलले एक–एक विकेट लिए ।
२२७ रनको लक्ष्य पछ्याएको बैंगलोरले सुरुवाती ओभरमै २ विकेट गुमाएको थियो । त्यसपछि ग्लेन म्याक्सवेल र फाफ डु प्लेसिसले ६१ बलमा १२१ रनको साझेदारी गरे । म्याक्सवेल १३ औं ओभरमा ७६ र डु प्लेसिस १४ औं ओभरमा ६२ रन बनाएर आउट भए ।
दुवै आउट भएपछि आरसीबीका बाँकी ब्याट्सम्यानले ३६ बलमा ६७ रन बनाउन सकेनन् । बैंगलोरले पहिलो दुई ओभरमा विराट कोहली र महिपाल लोमरको विकेट गुमाएको थियो । त्यसपछि ग्लेन म्याक्सवेलले फाफ डु प्लेसिसको साथमा ४ ओभरमा ६० रन दिए । टोलीले ६ ओभरमा २ विकेट गुमाएर ७५ रन बनाएको थियो । ग्लेन म्याक्सवेल ३६ बलमा ७६ रन बनाएर आउट भए । महिष तीक्षणाले उनलाई पेभिलियन पठाए । म्याक्सवेलले आउट हुनुअघि डु प्लेसिससँग ६१ बलमा १२६ रन जोडे ।
म्याक्सवेल र डु प्लेसिसले आफ्नो टोलीलाई झण्डै जित दिलाएका थिए । तर दुवै आउट भएपछि टोलीले ७ ओभरमा ८४ रन बनाउन सकेन । टिमका बाँकी ब्याट्सम्यानमा शाहबाज अहमदले १२, दिनेश कार्तिकले २८, सुयश प्रभुदेसाईले १९ र वेन पर्नेलले २ रन बनाए । भानिन्दु हसरंगा २ रनमा अविजित रहे ।
चेन्नईका तुषार देशपाण्डेले ३ र मथिशा पथिरानाले २ विकेट लिए । यस्तै, आकाश सिंह, महिश तिक्षना र मोइन अलीले १–१ विकेट लिए ।
आजको खेलः सनराइजर्स हैदरावाद भर्सेस मुम्बई इन्डियन्स, साँझ ७ः४५ बजे
