काठमाडौँ । त्रिभुवन अन्तर्राष्ट्रिय विमानस्थलबाट अवैधरुपमा लुकाई छिपाई बाह्य मुलुकतर्फ लैजान लागेको अमेरिकी डलर र युरोसहित नौ नेपाली र तीन विदेशी नागरिक पक्राउ परेका छन् ।
यही चैत २७ र २८ गते विभिन्न एयरलाइन्सद्वारा काठमाडौँबाट दुबई प्रस्थान गर्न लागेका यात्रुहरुलाई विमानस्थलको अन्तर्राष्ट्रिय उडानतर्फको प्रस्थान एरियामा जाँच गर्ने क्रममा ९१५ अमेरिकी डलर र ४५ हजार ५३३ युरोसहित मुद्रा फेला परेको विमानस्थलको सुरक्षा निकायले जनाएको छ ।
उक्त मुद्रा लैजान लागेका निजहरुको राहदानी जाँच गर्दा उल्लिखित परिमाणको रकम दरपिठ गरेको नदेखिएको र अवैधरुपमा लुकाईछिपाई बाह्य मुलुकतर्फ लैजान लागेकाले निजहरुलाई आवश्यक अनुसन्धान एवं कानूनी कारबाहीका लागि राजश्व अनुसन्धान विभाग, हरिहरभवन पुल्चोक पठाइएको प्रहरीले जनाएको छ ।
