काठमाडौं । आफ्नो समूहका अधिकांश नेताको समर्थन पाएका नेपाली कांग्रेसका सभापति शेरबहादुर देउवाले पुनः एक कार्यकालका लागि सभापति बन्न खोजेका छन् । त्यसैअन्तर्गत सभापति देउवा आन्तरिक छलफलमा जुटेका छन् । सभापति देउवाले आज पनि आफ्नो सम्भावित उम्मेदवारीबारे आन्तरिक छलफल गर्दैछन् ।
आजको छलफलमा देउवाले आज लुम्बिनी, कर्णाली र सुदुरपश्चिम प्रदेशका केन्द्रीय पदाधिकारी एवं सदस्यहरुसँग छलफल गर्न लागेका छन् । छलफलका लागि ती प्रदेशबाट प्रतिनिधित्व गर्ने देउवा समूहका नेताहरु बुढानिलकण्ठ पुगिसकेका छन् । यसअघि गत (शनिबार) प्रदेश १ र २ तथा आइतबार बागमती र गण्डकी प्रदेशका नेताहरुसँग देउवाले छलफल गरिसकेका छन् ।
आगामि भदौ १६ देखि १९ गतेसम्म कांग्रेसको १४ औं महाधिवेशन आयोजना हुँदैछ । सभापति देउवाले पुनः सभापति बन्न चाहे पनि यस पटक भने उपसभापति विमलेन्द्र निधिले पनि सभापतिमा दावी गरेपछि देउवालाई दबाब बढेको छ ।
