काठमाडौँ । उद्योग, वाणिज्य तथा आपूर्तिमन्त्री रमेश रिजालले प्रधानमन्त्रीसँग बैंकको ब्याजदर घटाउन आग्रह गर्नुभएको छ । अर्थतन्त्र राम्रो अवस्थामा नरहेकाले ब्याज न्यूनीकरणले धेरै समस्याको समाधान हुने उहाँले बताउनुभयो ।
नेपाल उद्योग वाणिज्य महासंघको ५७ औं साधारणसभाको उद्घाटन सत्रमा मन्त्री रिजालले भन्नुभयो, “निजी क्षेत्रको सहयोगबाटै समृद्धि हासिल हुन्छ, जे पर्छ पर्छ म प्रधानमन्त्रीलाई भन्छु ब्याजदर घटाइदिनुस् ।”
निजी क्षेत्रको सहयोगबाट मात्रै समृद्धि हासिल गर्न सकिने उहाँको भनाइ थियो ।
