काठमाडौं । सर्वोच्च अदालतले सरकारका नाममा ६५ वर्षभन्दा माथिल्लो उमेर समूहका नागरिकलाई तत्काल कोभिड-१९ विरुद्धको कोभिसिल्डको दोस्रो डोज खोप लगाउन अन्तरिम आदेश जारी गरेको छ ।
अघिल्लो वर्ष कोभिसिल्डको पहिलो डोज लगाएका ज्येष्ठ नागरिकलाई ढिलाइ भएको भन्दै न्यायाधीश ईश्वर खतिवडाको इजलासले उक्त आदेश दिएको हो । अदालतले यथाशिघ्र खोपको व्यवस्था गर्न समेत भनेको छ ।
विज्ञहरुले पहिलो डोज लगाएको ८ देखि १२ सातासम्म खोप लगाउन सकिने बताएका छन् । नेपालमा ६५ वर्ष माथिका १३ लाख भन्दा बढीले पहिलो डोज खोप लगाइसकेको तथ्यांक छ ।
भारतीय कम्पनी सिरम इन्स्टिच्युटले अग्रिम भुक्तानी लिएर पनि अस्ट्राजेनेका खोप नेपाललाई उपलब्ध गराउन सकेको छैन । उसले अझै १० लाख अस्ट्राजेनेका खोप उपलब्ध गराउन बाँकी नै रहेको छ ।
