एजेन्सी । बाहुबली फेम निर्देशक एसएस राजामौलीको वर्षकै बहुप्रतिक्षित फिल्ममध्ये एक 'आरआरआर'को सुटिङ सुचारु गरिने भएको छ ।
कोरोना भाइरसको दोस्रो लहरका कारण रोकिएको फिल्मको सुटिङ रोकिन पुगेको थियो । अब फिल्मको लगातार शेड्युल बनाई सुटिङ पूरा गरिने भएको छ । पहिलो गीतहरुको सुटिङ थालिनेछ भने त्यसपछि मुख्य दृश्यहरुलाई खिचिने बताइएको छ ।
आउँदो जुलाई अगस्टमा भारतमा कोरोनाको तेस्रो लहर आउन सक्ने अनुमान गरिएको छ । यसलाई मध्येनजर गर्दै निर्माण टिमले फिल्मलाई छिटो भन्दा छिटो सकाउन चाहेका छन् ।
राम चरण र जुनियर एनटिआरको अभिनय रहेको यस फिल्ममा बलिउड अभिनेता अजय देवगन र अभिनेत्री आलिया भट्टले साउथमा यसै फिल्मबाट डेब्यु गर्दैछन् । करिब ३२५ करोड बजेट रहेको यस फिल्मलाई अवस्था सामान्य भएका अक्टुबरमा रिलिज गरिनेछ ।