काठमाडौं । निवर्तमान भूमि व्यवस्था,सरकारी तथा गरिबी निवारण मन्त्री लक्ष्मणलाल कर्णले सर्वोच्च अदालतको निर्णय सबैले मान्नुपर्ने बताएका छन् ।
सर्वोच्च अदालतले मंगलबार प्रधानमन्त्रीले विस्तार गरेको मन्त्रिपरिषद्लाई बदर गरेपछि निवर्तमान मन्त्री कर्णले यस्तो प्रतिक्रिया दिएका हुन् ।
जनता समाजवादी पार्टीका नेता समेत रहेका कर्णले भने “सर्वोच्चको निर्णय भने सबैले मान्नैपर्छ तर यसलाई राजनीतिक प्रभाव हेर्ने हो भने दुरगामी छ, यसको परिणाम पनि हेर्नुपथ्र्यो तीन–चार जना मन्त्रीले देश कसरी चलाउलान् ? ”
कर्ण जेठ २१ मा प्रधामन्त्री ओलीले मन्त्रिपरिषद् विस्तार गर्दा मन्त्री बनेका थिए ।
सर्वोच्चमा प्रतिनिधि सभा विघटन गरेर निर्वाचनको मिति समेत घोषणा गरेको अवस्थामा मन्त्रिपरिषद् विस्तार गर्नु असंवैधानिक भएको भन्दै त्यस विरुद्द अधिवक्ताहरु दिनेश त्रिपाठी, कञ्चनकृष्ण न्यौपाने,कीर्तिनाथ शर्मा पौडेल, शालिकराम सापकोटा लगायतले रिट दायर गरेका थिए ।
