काठमाडौं । नेपाली काँग्रेसका सहमहामन्त्री डा.प्रकाशशरण महतले सरकारले आज भोलि भन्दाभन्दै कोरोनाका विरुद्धको खोप ल्याउन नसकेर जनता झुक्याएको बताएका छन् ।
उनले भने ‘सरकारले खोपको चाँडो व्यवस्था गर्छाैँ त भन्छ तर कहिले ल्याउने हो पत्तो छैन । खोप जस्तो संवेदनशिल विषयमा सरकार झुठ बोलिरहेको छ, जनता सुनेर बस्न बाध्य छन् ।’
नेपाली काँग्रेसको कोभिड व्यवस्थापन समितिका संयोजक डा.महतको नेतृत्वमा आज स्वास्थ्यमन्त्रीलाई भेटेर खोपको व्यवस्थापन गर्न आग्रह गरेको हो ।
मन्त्रीलाई ध्यानाकर्षण गराएपछि सञ्चारकर्मीसँग कुरा गर्दै डा.महतले सरकारले खोपजस्तो विषयमा पनि गम्भीर नभएर बारम्बार ढाँटेपछि काँग्रेसको कोभिड समितिले स्वास्थ्य मन्त्रीलाई ध्यानाकर्षण गराएको बताए ।
आफूहरुले सरकारलाई पहिलो चरणको खोप लगाएका व्यक्तिले आर्काे डोज नपाएको र सरकारले यस विषयमा किन व्यवस्था नगरेको हो भनेर जानकारी गराएको बताए ।
डा.महतले भने– छिमेकी देशले खोप जुटाइ सकेका छन्, जस्तो कि भारत, बंगलादेश, पाकिस्तान आदि देशले राम्रोसँग खोपको व्यवस्था गर्न सक्ने तर हाम्रो सरकारले किन नसकेको हो ?
त्यसैगरीे सरकारका मान्छेहरुले स्वास्थ्य सामग्रीको व्यापक मात्रामा दुरुपयोग गरेका तर जनताले समानुपातिक रुपमा पाउन नसकेको विषयमा पनि आफूहरुले सरकारको ध्यानाकर्षण गराएको बताए ।
साथै कोभिडको यस्तो महामारीको अवस्थामा पनि स्वास्थ्य मन्त्रालयले चिकित्सक नै हुन पाउने प्राविधिक सचिव पद किन पूर्ती नगरेको भन्दै तत्कालै त्यो पद पूर्ती गर्नका लागि पनि काँग्रेसले ध्यानाकर्षण गराएको जानकारी दिए ।
