काठमाडौँ। नेकपा (एकीकृत समाजवादी) का अध्यक्ष माधवकुमार नेपालले सत्तारुढ गठबन्धन ५ वर्षसम्म कायम रहने बताउनुभएको छ ।
बुधबार पार्टीको केन्द्रीय प्रचार विभागले काठमाडौँमा आयोजना गरेको ‘सम्पादकसँग भेटघाट तथा अन्तरक्रिया’ कार्यक्रममा पूर्वप्रधानमन्त्री नेपालले सत्तारुढ गठबन्धन पाँच वर्षसम्मै कायम रहनेमा ढुक्क हुन पनि आग्रह गर्नुभयो ।
वर्तमान सरकार र सत्तारुढ गठबन्धन कहिलेसम्म रहन्छ रु भन्ने आशंका कसैकसैले गर्ने गरेको उल्लेख गर्दै उहाँले भन्नुभयो, “यो कति दिनसम्म रहन्छ भन्ने आशंका छ । यसको लामो आयु छैन । कसैकसैले मिति पनि तोकेर त्यसभन्दा बढी चल्न सक्दैन भन्ने गरेका छन्। त्यसलाई पत्याउने अवस्था पनि रहेको देखिन्छ। तर, तपाईंहरु ढुक्क भए हुन्छ, यो जुन गठबन्धन छ । यो पाँच वर्षसम्म कायम रहन्छ ।”
मुलुकमा राजनीतिक स्थायित्व, विकास, समृद्धि र सुशासनलाई ध्यानमा राखेर सत्तारुढ गठबन्धनलाई अगाडि बढाइएको भन्दै उहाँले सत्तारुढ गठबन्धन जनताको जनादेशअनुसार बनेको र यसले मुलुकलाई मिलेर अघि बढाउने प्रण गरेको बताउनुभयो ।
