काठमाडौँ । नेपाली काँग्रेसका सांसद एवं अर्बपति विनोद चौधरी र काठमाडौँ महानगरपालिकाका नगर प्रमुख बालेन्द्र शाह (बालेन)बीच अकस्मात भेटघाट भएको छ ।
आइतबार चौधरीले बालेनसँगको जम्काभेटलाई फेसबुक स्ट्याटसमार्फत जानकारी गराएका हुन् ।
चौधरी र बालेनबीच भैरहवा विमानस्थलका भेट भएको हो । उनीहरू बिचमा भेटमा खासै लामो संवाद नभए पनि चौधरीले भने त्यो भेटलाई महत्त्वका साथ लिँदै छिटै महानगरसहित समग्र विकासका बारेमा छलफल गर्ने जनाएका छन् ।
चौधरीले लेखेका छन्, ‘काठमाडौं महानगरका मेयर बालेन्द्र शाहजीसँग नवलपरासी जाने क्रममा भैरहवा विमानस्थलमा भेट भयो । हामी छिट्टै भेटेर महानगरसहित समग्र विकासका बारेमा छलफल गर्नेछौँ ।’
