काठमाडौं । पूर्व उपप्रधानमन्त्री तथा अर्थमन्त्री विष्णुप्रसाद पौडेलले बुटवलमा निर्माणाधीन झुम्साखोला खानेपानी आयोजनाको निरिक्षण गर्नु भएको छ ।
पौडेलले आयोजनाको ड्याम, पाइपलाइन बिस्तार लगायतका संरचना निर्माण कार्यको निरिक्षण गर्दै कामको प्रगति बारे जानकारी लिनु भएको हो । निरिक्षणका क्रममा उहाँले भन्नुभयो “झुम्साको पानी बुटवल झार्ने र बुटवलका जनताको आवश्यकता पुरा गर्ने दिन धेरै टाढा छैन । धेरै भौतिक निर्माणका धेरै काम अन्तिम चरणमा पुगेका छन । खानेपानी संस्थान मार्फत निर्माण भइरहेको सबैभन्दा ठुलो आयोजना अनेकौ समस्या, झमेला र झन्झट सामना गर्दै आयोजना सफल उन्मुख हुदैंछ ।”
खानेपानी संस्थानका अध्यक्ष गुणाखर भुसालले कर्मचारी र निर्माणका सग्लन पक्षको रात दिनको खटाईले बुटवलमा केहि दिनमै पानी झर्ने जानकारी गराउनुभयो ।
