काठमाडौं । राष्ट्रिय स्वतन्त्र पार्टी (रास्वपा)ले उपनिर्वाचनमा तीनवटै क्षेत्रबाट आफ्नो उम्मेदवार उठाउने निर्णय गरेको छ ।
शुक्रबार बसेको केन्द्रीय समिति बैठकले वैशाख १० गते हुने उपनिर्वाचनमा चितवन–२, तनहुँ–१ र बारा–२ मा उम्मेदवारी दिने निर्णय गरेको हो ।
केन्द्रीय समिति बैठकले उपनिर्वाचनको लागि ३ वटै क्षेत्रमा निर्वाचन परिचालन समिति गठन गरेको छ । संयोजकमा चितवनमा उपसभापति डोलप्रसाद अर्याल, तनहुँमा सहमहामन्त्री कबिन्द्र बुर्लाकोटी र बारामा गणेश कार्कीलाई तोकिएको छ ।
