पोखरा । नेकपा माओवादी केन्द्रले गण्डकी प्रदेश सरकारलाई दिएको समर्थन फिर्ता लिएको छ ।
शुक्रबार गण्डकी प्रदेश माओवादी संसदीय दलको बैठकले एमाले नेतृत्वको सरकारलाई दिएको समर्थन फिर्ता लिने निर्णय गरेको हो । समर्थन फिर्ता गरेसँगै आजै दुई मन्त्रीले राजीनामा दिने तयारी गरेका छन् ।
एमाले संसदीय दलका नेता खगराज अधिकारी पुस २५ मा माओवादी केन्द्रसहित राप्रपाको समर्थनमा मुख्यमन्त्रीमा नियुक्त भएका थिए । माओवादीले समर्थन फिर्ता लिएपछि अब अधिकारीले ३० दिनभित्र विश्वासको मत लिनुपर्छ ।
