काठमाडौं । प्रमुख प्रतिपक्षी दल नेकपा एमालेनिकट युवा संघ नेपालले सडकमा नमूना संसद बनाएर विरोध प्रर्दशन गरेको छ ।
युवा संघले मंगलबार बानेश्वरको सडकमा ‘सडक संसद’ बनाएर प्रतिनिधिसभाको बैठक जस्तै अवरोध गरेर अनौठो शैलीमा विरोध प्रदर्शन गरेको छ । नेकपा एमालेले कारबाही गरेका १४ जना सांसदबारे सूचना नटाँसेको भन्दै सभामुख अग्निप्रसाद सापकोटाको विरोधमा युवा संघले विरोध जनाएको छ ।
राष्ट्रिय युवा संघका अध्यक्ष किरण पौडेलले देउवा नेतृत्वको पाँच दलीय गठबन्धन गरेकाले गरेका राष्ट्रघाती कदमको विरोधमा संघले निरन्तर आन्दोलन गर्दै आएको बताउनु भयो । उहाँले गठबन्धन सरकारले १४ जना सांसद पद जोगाउन तथा सभामुखको पद जोगाउनको लागि प्रधानन्यायाधीश चोलेन्द्र शमशेर जबरामाथि महाअभियोग लगाएकाले सडकमा आउनु परेको बताउनु भयो । सरकारले सत्ता गठबन्धन टिकाउनको लागि देशको विधि प्रक्रिया,पद्धती प्रणालीको विरुद्धमा धावा बोल्ने र नेपाललाई संधै आफ्नो स्वार्थको बन्धक बनाउने प्रयासको विरुद्ध युवा संघ सडक आएको पनि पौडेलले बताउनु भयो ।
उहाँले भन्नुभयो,‘सर्वोच्चको फैसला आफू विरुद्ध आउने देखिपछि १४ जना सासंद जान्छ भन्ने लागेर माधव नेपाल र पुष्पकमल दाहाल प्रचण्डले प्रधानमन्त्री शेरबहादुर देउवालाई गुमराहमा पारे । १४ जना सासंदको पद गयो भने यो सरकारको आयु पनि सकिन्छ ।
अहिले यो गठबन्धन सरकार अपदस्त भयो भने नेकपा माओवादी र एकिकृत समाजवादी पार्टी समाप्त हुनेवाला छ । त्यो भविष्य समाप्त हुने देखेपछि सत्ता गठबन्धन टिकाउनको लागि देशको विधि प्रक्रिया,पद्धती प्रणालीको विरुद्धमा धावा बोल्ने र नेपाललाई संधै आफ्नो स्वार्थको बन्धक बनाउने प्रयासको विरुद्ध युवा संघ सडक आन्दोलनमा छौँ । यो प्रक्रिया अहिले सभामुख अग्नीप्रसाद सावकोटालाई जोगाउने र एमसीसीलाई चोर बाटोबाट ल्याएर अगाडि बढाउने ठाउँसम्म पुग्छ । त्यस्तै सरकारले घोषणा गरेको स्थानीय तहको निर्वाचनलाई प्रभावित पारी स्थानीय तहको निर्वाचन रोकेर पाँचदलको गठबन्धन सयन्त्र बनाएर स्थनीय तहहरु रिक्त बनाएर देशमा लुटतन्त्र र लटपाटको श्रृङखला अगाडि बढाउने राष्ट्रघाती कदमको विरुद्ध संकेतिक रुपमा सडकमा उपस्थित भएको छौँ ।’
प्रदर्शनका क्रममा युवा संघका कार्यकर्ताहरूले संसदीय मर्यादा उल्लंघन गर्ने सभामुख सापकोटाले राजीनामा दिनुपर्ने भन्दै नाराबाजी समेत गरेका छन् । प्रदर्शनमा पार्टी फुटाउन पाइँदैन,संसदीय मर्यादा उल्लंघन गर्ने सभामुख राजीनामा दे । हत्यारा सभामुख राजीनामा दे, गैर सांसदलाई संसदमा निषेध गर , पार्टी फुटाउने षड्यन्त्र निषेध गर । संवैधानिक सर्वोच्चता कायम गर लगायतका नारा लगाएका थिए ।
