काठमाडौँ । भोलि मंगलबार घोडे जात्राको दिन पनि राहदानी विभाग खुला रहने भएको छ । विभागका अनुसार बिहान १० बजेदेखि दिउँसो साढे दुई बजेसम्म कार्यालय खुल्ने भएको हो ।
काठमाडौँ उपत्यकामा घोडेजात्राको दिन सार्वजनिक बिदा दिइन्छ । तर, अत्यावश्यक सेवाको रुपमा लिइएको राहदानी सेवा लिन आउने सेवाग्राहीलाई मर्का नपरोस् भनेर घोडेजात्राको दिन पनि केही समय कार्यालय खुला हुने विभागले जनाएको छ ।
