एजेन्सी । इंग्लिस प्रिमियर लिग फुटबल अन्तर्गत शीर्षस्थानको आर्सनलले सहज जित निकालेको छ । आइतबार राति भएको खेलमा आर्सनलले क्रिस्टल प्यालेसलाई ४–१ गोलले पराजित गरेको हो ।
आर्सनललाई जित दिलाउन बुकायो साकाले दुई तथा गाब्रियल मार्टिनेली र ग्रानिट जाकाले एक–एक गोल गरे । क्रिस्टलका जेफरी स्क्लुपले एक गोल फर्र्काए । घरेलु मैदान इमिरेट्समा खेलको २८ औं मिनेटमा मार्टिनेलीले गोल गर्दै आर्सनललाई सुरुवाती अग्रता दिलाएका थिए ।
४३ औं मिनेटमा साकाले गोल गर्दै आर्सनलको अग्रता दोब्बर पारे । यस्तै ५५ औं मिनेटमा जाकाले गोल गरेपछि आर्सनल ३–० ले अघि बढ्यो । ६३ औं मिनेटमा प्यालेसका जेफरीले एक गोल फर्काएपछि खेल ३–१ को अवस्थामा आयो । ७४ औं मिनेटमा साकाले व्यक्तिगत दोस्रो तथा टोलीको लागि चौंथो गोल गर्दै सानदार जित दिलाए ।
जितसँगै आर्सनलले २८ खेलबाट ६९ अंक जोडेको छ । समान खेलबाट प्यालेस भने २७ अंकका साथ १२ औं स्थानमा रहेको छ ।
