काठमाडौँ । नेपाली कांग्रेसका महामन्त्री एवं प्रतिनिधिसभा सदस्य गगनकुमार थापाले सत्ता गठबन्धनमा उपराष्ट्रपति चुनावमा देखिएको फरक मतले सरकारलाई कुनै असर नपर्ने दाबी गरेका छन् ।
उपराष्ट्रपति निर्वाचनमा मतदानपछि सञ्चारकर्मीहरुसँग कुरा गर्दै महामन्त्री थापाले एउटै उम्मेदवार बनाउने प्रयास भएपनि अन्तिम अवस्थामा सम्भव नभएपछि सल्लाहबाटै फरक ठाउँमा उभिएको जिकिर गरे ।
यद्यपि, प्रधानमन्त्रीलाई विश्वासको मत दिने बेला एकठाउँमा आउने भन्दै यसले सरकारको निरन्तरतामा फरक नपार्ने बताए ।
राष्ट्रपति निर्वाचनका बेला भएको समझदारी कार्यान्वयन भएकाले प्रधानमन्त्रीलाई कांग्रेसले विश्वासको मत दिने थापाको भनाई छ ।
