एजेन्सी । इंग्लिस फुटबल क्लब आर्सनल युरोपा लिगबाट बाहिरिएको छ । गएराति सम्पन्न खेलमा आर्सनल पोर्चुगीज क्लब स्पोर्टिङ सीपीसँग टाईब्रेकरमा पराजित हुँदै युरोपा लिगबाट बाहिरिएको हो ।
अन्तिम १६ को दोस्रो लेगमा निर्धारित समयमा १–१ गोलको बराबरी र थप समयमा एग्रिगेटमा पनि ३–३ गोलको बराबरी भएपछि खेल पेनाल्टी सुटआउटमा गएको हो ।
जसमा स्पोर्टिङ ५–३ ले विजयी बन्दै क्वाटरफाइनलमा प्रवेश गर्यो । आर्सनलका गाब्रियल मार्टिनेली पेनाल्टीमा गोल गर्न चुके । त्यसअघि खेलको १९ औं मिनेटमा ग्रानिट जाकाले गोल गर्दै घरेलु टोली आर्सनललाई सुरुवाती अग्रता दिलाएका थिए ।
यता, ६२ औं मिनेटमा पेड्रो गोन्काल्भेसले गोल गर्दै स्पोर्टिङलाई बराबरीमा ल्याए । उनले झण्डै सेन्टर बाट गोल गरे । आर्सनलका गोलकिपर अगाडि बढेको अवस्थामा उनले प्रहार गरेको बल गोलमा परिणत भएको थियो ।
यस्तै गएराति भएका विभिन्न खेलहरुको नतिजासँगै युरोपाको क्वाटरफाइनल समिकरण पूरा भएको हो ।
यी हुन् क्वाटरफाइनलमा स्थान पक्का गर्ने टिमः
म्यान्चेस्टर युनाइटेड (इंग्ल्याण्ड)
स्पोर्टिङ सीपी (पोर्चुगल)
युभेन्ट्स (इटाली)
सेभिया (स्पेन)
फेयनुर्ड (नेदरल्याण्ड्स)
रोमा (इटाली)
बायर लेभरकुसेन (जर्मन)
रोयल युनियन एसजी (बेल्जियम)
