काठमाडौं । जनता समाजवादी पार्टी (जसपा)बाट उपराष्ट्रपतिमा उम्मेदवारी दिएकी प्रमिलाकुमारी यादवले आफ्नो उम्मेदवारी निष्क्रिय गरेकी छन् ।
प्रमिलाले प्राविधिक रूपमा आफ्नो नाम उम्मेदवारको सूचीमा भए पनि प्रतिवद्धताका साथ जसपाकै रामसहाय प्रसाद यादवलाई समर्थन गर्दै आफ्नो उम्मेदवारी फिर्ता लिएको बताएकी हुन् ।
निर्वाचन अधिकृतको कार्यालयले उम्मेदवारको अन्तिम नामावलीमा चारैजना उम्मेदवारको नाम प्रकाशन गरिसकेको छ ।
प्रमिलाले विज्ञप्ति जारी गर्दै मुलुकको सार्वभौमिकता, राष्ट्रिय स्वाधिनता, समावेशीता, संघीय लोकतान्त्रिक गणतन्त्र, सामाजिक न्याय र समाजवाद प्रति निष्ठापूर्वक संधै समर्पित रहने सालीन स्वभावका, सादा जीवन, निष्कलंक एवम् स्वच्छ छवी र उच्च विचार भएका एक बौद्धिक एवम् परिपक्व नेता यादव नै उप-राष्ट्रपति योग्य र सक्षम उम्मेदवार भएको उल्लेख गरेकी छन् ।
