एजेन्सी । दक्षिण अफ्रिकाका चर्चित र्यापर तथा संगीतकार कोस्टा टिचको निधन भएको छ ।
उनको उमेर मात्र २७ वर्ष थियो । कोस्टा टिच शनिबार अर्थात मार्च ११ मा जोहानेसबर्गमा भएको अल्ट्रा म्युजिक कन्सर्टमा परफर्म गरिरहेका थिए ।उनी गीत गाउँदै गर्दा स्टेजमा लडे । कोस्टा टिचको यो अन्तिम प्रदर्शनको भिडियो सामाजिक सञ्जालमा देख्न सकिन्छ ।
सामाजिक सञ्जालमा भाइरल भइरहेको यो भिडियोमा कोस्टा टिच स्टेजमा प्रस्तुति दिइरहेका छन् । यस क्रममा उनी दुई पटक लडिरहेको देखिन्छ । एक पटक आफूलाई सम्हाल्छन् तर केही समयपछि फेरि लडिरहेको देखिन्छ । यद्यपि र्यापरको मृत्युको कारण भने खुल्न सकेको छैन । निधनको सार्वजनिक हुने बित्तिकै कोष्टा टिचको निधनले सबै कलाकार, संगीत क्षेत्र र उनका फ्यानहरु स्तब्ध भएका छन् ।
कोस्टाको जन्म सन् १९९५ मा नेल्सप्रुटमा भएको थियो । कोस्टा ‘एक्टिभेट’ र ‘नकलकथा’ जस्ता हिट एल्बमबाट परिचित थिए । उनले हालै अमेरिकी गायक एकोनसँगको रिमिक्स रिलिज गरेका छन् । उनको अचानक मृत्युले दक्षिण अफ्रिकी संगीत उद्योगलाई पनि स्तब्ध बनाएको छ ।
