• १६ चैत्र २०७९, बिहीबार
  •      Thu Mar 30 2023
  •   Unicode
Logo
Latest
★   ११ बुँदे घोषणापत्र जारी गर्दै सकियो न्यायिक समिति राष्ट्रिय सम्मेलन ★   तनहुँ १ मा एमालेबाट पूर्वआईजीपी खनालसहित ६ जनाको नाम सिफारिस ★   मेची राजमार्गमा सधैँ जमिन भासिने र पहिरो खस्ने समस्या ★   न्यायिक समिति राष्ट्रिय सम्मेलनबाट ११ बुँदे न्यायिक समिति काठमाडौं घोषणा ★   पूर्वाग्रहले न्याय हुँदैनः का.मु. प्रधानन्यायाधीश कार्की ★   एसइई परीक्षाको तयारी पूरा, जापानमा पनि परीक्षा केन्द्र ★   बागमती प्रदेशः एक लाखले एसइई परीक्षा दिँदै ★   ‘डिपार्टेड डन’ लाई भारतको तीन अवार्ड ★   बालुवाटारमा सत्तारुढ दलको बैठक जारी, मन्त्रिपरिषद् विस्तारबारे छलफल ★   बालउद्धार माध्यमिक विद्यालयमा कक्षा १२ का विद्यार्थीलाई बिदाई

मनाङको ङिस्याङ गाउँपालिकाको हिममातपछिको अबस्था – फोटो फिचर



मनाङ । मनाङको ङिस्याङ गाउँपालिकाको बस्ती ढाकिने गरी हिमपात भएको छ । लामो समयपछि शुक्रबार हिमपात भएको मनाङमा शनिबार मौसम खुलेसँगै गाउँबस्तीको सुन्दरता अझै बढेको छ ।

मनाङ ङिस्याङ गाउँपालिकाको हुम्डे (३,३०० मि) देखि माथिल्लो क्षेत्रमा हिमपात भइरहेको छ । सदरमुकाम चामेदेखि नै डाँडाकाँडामा पनि हिमपात भएको छ ।

हिमपातका कारण यहाँको जनजीवन कष्टकर बनेको छ । हिमपात भएपछि स्थानीयवासी घर बाहिर निस्किन सकिरहेका छैनन् ।

समयमा हिमपात नहुँदा किसानहरु चिन्तित थिए । अहिले हिमाली जिल्ला मनाङमा ढिला गरी हिमपात हुँदा किसान खुसी भएका छन् । यहाँको मुख्यबाली आलु र करु हो । चैत, वैशाखमा लगाइने यी बालीलाई पुसमा हिउँ पर्नुपर्छ । यसपटक ढिला गरी हिमपात भएको छ । माटो राम्ररी नभिजे पनि सुक्खापन केही कम हुने किसानहरुले अपेक्षा गरेका छन् ।

जमिन तातिएपछि हिमपात हुँदा हिउँको पानी जमिनमुनी नपुग्दै माथि नै सुक्छ । चिस्यान नभए खेतीबालीलाई पुग्दैन, उत्पादन घट्छ, तर पनि केही मात्रामा हिमपात हुँदा पनि किसान खुसी भएका हुन् ।

समयमा हिमपात नहुँदा सबैभन्दा बढी स्याउ उत्पादनमा असर पर्छ । स्याउ फुल्ने भनेको फागुन, चैतमा हो । फागुन सकिने बेलामा परेको हिमपातले स्याउको जरासम्म सिँचाइ हुँदैन तर पनि अहिले हिमपात हुँदा स्याउका जरामा पनि केही मात्रमा पानी पुग्ने यहाँका स्थानीयवासीले बताएका छन् । जिल्लामा जेठमा फापर , चैततिर गहुँ, आलु र केराउ लगाइन्छ ।