काठमाडौं । आईसीसी विश्वकप लिग टूको अन्तिम त्रिकोणात्मक सिरिजमा पपुवा न्यु गिनी(पीएनजी) ले यूएईलाई पराजित गरेको छ ।
कीर्तिपुरस्थित टियु मैदानमा भएको खेलमा पीएनजीले यूएईलाई ५६ रनले पराजित गरेको हो ।
लिग २ मा यूएई पीएनजीसँग लगातार तेस्रो पटक पराजित भएको छ । पीएनजीले दिएको २ सय ४७ रनको लक्ष्य पछ्याएको युएईले ४२ ओभर २ बलमा १ सय ९० रन बनाएर अलआउट भयो।
युएईका लागि आर्यान लाक्राले सर्वाधिक ५१ रनको अर्धशतकीय ईनिङ खेले । कप्तान मुहम्मद वासिमले ४१ रन बनाए भने जावर फरिद र सीपी रिजवानले समान १९र१९ रन बनाए ।
पीएनजीका लागि राईली हेकुरेले ३ विकेट लिए । असद भाला र कबुवा मोरियाले समान २/२ विकेट लिए भने सिमो कमिया र नर्मन भानुवाले समान १/१ विकेट लिए ।
त्यसअघि पहिले ब्याटिङ गरिरहेको पीएनजीले ५० ओभरमा ९ विकेटमा २ सय ४६ रन बनाएको थियो । पीएनजीका लागि सेसे बाउ, किप्लीन डोरिगा तथा हिरी हिरीले अर्धशतक बनाए ।
सेसे बाउले १ सय ६ बल १० चौकाको सहयोगमा सर्वाधिक ८१ रन बनाए । यस्तै, ८५ बलमा ५ चौका र ४ छक्काको सहयोगमा हिरि हिरिले ७७ रन बनाए भने किप्लीन डोरिगाले ४४ बलमा ८ चौका र २ छक्काको सहयोगमा ५५ रन बनाए ।
यूएईका लागि आयान खानले ३ विकेट लिए । जुनेद सिद्धिकी र जाहोर खानले समान २/२ विकेट लिए भने कार्तिक मैयप्पन र रोहन मुस्ताफाले समान १/१ विकेट लिए ।
