काठमाडौँ । नागरिक उन्मुक्ति पार्टी (नाउपा) की अध्यक्ष रञ्जिता श्रेष्ठले उपराष्ट्रपति पदमा उम्मेदवारी दिन नपाउने हुनुभएको छ ।
नेपालको संविधान २०७२ अनुसार राष्ट्रपति र उपराष्ट्रपतिको उम्मेदवार बन्न ४५ वर्ष उमेर पूरा भएको हुनुपर्छ तर श्रेष्ठको उमेर ४० वर्ष मात्र भएकाले उहाँ उपराष्ट्रपति पदका लागि अयोग्य हुनुभएको हो ।
श्रेष्ठको उमेर ४५ वर्ष नदेखिएकाले उहाँ उपराष्ट्रपति पदको उम्मेदवार बन्नबाट वञ्चित हुनुभएको हो । नाउपाले पार्टी अध्यक्ष श्रेष्ठलाई उपराष्ट्रपतिको उम्मेदवार बनाउने निर्णय गरेको थियो ।
