काठमाडौँ । नेपाली कांग्रेसका महामन्त्री गगन थापाले विसं २०८४ अघि नेपाली कांग्रेस र नेकपा (एमाले) बीच सत्ता सहकार्य नहुने बताउनुभएको छ ।
बिहीबार राष्ट्रपतिको निर्वाचनमा मतदान गरेपछि सञ्चारकर्मीहरुसँग उहाँले विसं २०८४ पछि एमाले प्रतिपक्षमा बस्ने र त्यसबेला आफूहरुले सत्ता पक्षका रुपमा एमालेसँग सहकार्यको प्रस्ताव राख्ने बताउनुभयो ।
यसअघि राष्ट्रपति निर्वाचनमा मतदान गरेपछि एमाले अध्यक्ष केपी शर्मा ओलीले एमाले र नेपाली कांग्रेस एक ठाउँमा नआउने भनेर कसम नखाएको बताउनुभएको थियो । “राजनीतिमा जे पनि सम्भव छ, केही पनि असम्भव छैन भन्छन् नि, त्यही हो। एक ठाउँमा नआउने भनेर कसम आएको छैन”, उहाँले भन्नुभएको थियो ।
केहीबेरपछि मतदान गर्नुभएका कांग्रेस महामन्त्री थापाले एमालेले पुस १० मा कांग्रेसलाई धोका दिएकाले फेरि ऊसँग संसद्को यो कार्यकालमा सहकार्य नहुने बताउनुभएको हो ।
उहाँले भन्नुभयो, “एउटै कुरामा एउटा पार्टीलाई कतिपटक धोका दिने रु पुस १० गते उहाँले के गर्नुभयो भन्ने त सबैलाई थाहा भइसक्यो ।
