काठमाडौँ । अहिले राष्ट्रपति निर्वाचनको मतदान भइरहेको छ । राष्ट्रपति तथा उपराष्ट्रपति निर्वाचन कार्यालयका अनुसार बिहीबार दिउँसो साढे १२:३५ बजेसम्म ६०३ जनाले मतदान गरेका छन् ।
कार्यालयले दिउँसो १२:३५ सम्म संघीय संसद्का २६७ र प्रदेशसभाका ३३६ जना सदस्यले मतदान गरेको जनाएको छ ।
राष्ट्रपति निर्वाचनमा बिहीबार वबहान १० बजेदेखि संघीय संसद् भवन नयाँ बानेश्वरमा मतदान भइरहेको छ । संघीय संसद् र प्रदेशसभा सदस्य गरी ८८३ जना मतदाता रहेका छन् ।
राष्ट्रपतिका लागि नेपाली कांग्रेसका रामचन्द्र पौडेल र नेकपा (एमाले) का सुवासचन्द्र नेम्वाङ उम्मेदवार हुनुहुन्छ ।
