काठमाडौं । नेपालमा पछिल्लो २४ घण्टामा थप २७ सय ६० जनामा कोरोना भाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार देशभरका विभिन्न प्रयोगशालामा गरिएको परीक्षणमा उक्त संख्यामा संक्रमित थपिएका हुन् ।
पछिल्लो २४ घण्टामा ४ हजार १७ जना संक्रमित निको भएका छन् । यस्तै बिहीबार कोरोनाबाट मृत्यु हुनेको संख्या ३३ रहेको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ७ हजार १३० जनाको पिसिआर र ३ हजार ८५५ जनाको एन्टिजेन विधिबाट गरी १० हजार ९८५ परीक्षण गरिएको छ।
